- Дугаар
- 26/44
- Огноо
- Төрөл
- Хурлын тогтоолууд
НИЙСЛЭЛИЙН
ИРГЭДИЙН ТӨЛӨӨЛӨГЧДИЙН ХУРЛЫН
ТОГТООЛ
2026 оны 05 сарын 20 дугаар 26/44 Улаанбаатар хот
Тогтоолд нэмэлт, өөрчлөлт
оруулах тухай
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.18 дахь заалт, 48 дугаар зүйлийн 48.1, 48.2 дахь хэсэг, Цагдаагийн албаны тухай хуулийн 63 дугаар зүйлийн 63.1, 63.2 дахь хэсэг, Гэмт хэрэг, зөрчлөөс урьдчилан сэргийлэх тухай хуулийн 46 дугаар зүйлийн 46.5.8 дахь заалтыг тус тус үндэслэн Нийслэлийн иргэдийн Төлөөлөгчдийн Хурлаас ТОГТООХ нь:
1.Нийслэлийн иргэдийн Төлөөлөгчдийн Хурлын 2025 оны “2026 онд ажиллах олон нийтийн цагдаагийн тооны дээд хязгаарыг тогтоох тухай” 25/149 дүгээр тогтоолын 1 дэх заалтын “524 хүртэл” гэснийг “489 хүртэл, Хүрээлэн буй орчны эсрэг гэмт хэрэг, зөрчлөөс урьдчилан сэргийлэх чиглэлээр 35 хүртэл” гэж өөрчилсүгэй.
2.Тогтоолын 2 дахь заалтын “Тээврийн цагдаагийн алба” (М.Батсайхан) гэсний дараа “Экологийн цагдаагийн алба” (Б.Оюутболд ) гэж нэмсүгэй.
3.Энэ тогтоолын хэрэгжилтэд хяналт тавьж ажиллахыг Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлийн Нарийн бичгийн дарга (М.Халтар)-д даалгасугай.
ДАРГА Д.ИХБАЯР